პროექტ-დაიჯესტი
მარტვილში სამი სოფლის დამაკავშირებელი გზა აშენდა
![](/res/images/images/2016092118055987469.jpg)
მარტვილის მუნიციპალიტეტში სამი სოფლის დამაკავშირებელი გზის მშენებლობა დასრულდა.
სალხინო-ლეცავე-ბალდას დამაკავშირებელი 6,5 კმ-იანი გზის მშენებლობა მარტვილის მუნიციპალიტეტის ტურისტული მარშრუტის მნიშვნელოვანი მონაკვეთია. გზის საფარის გარდა, ობიექტზე მოეწყო კომუნიკაციები - ლითონის მილხიდები, სანიაღვრე არხები დასხვა.
აღსანიშნავია, რომ ამ გზის კეთილმოწყობის სამუშაოები პირველად ჩატარდა, წლების განმავლობაში ტრანსპორტის მოძრაობა შეზღუდული იყო. პროექტის განხორციელების შედეგად, მოსახლეობას წლების განმავლობაში არსებული პრობლემა მოუგვარდა და როგორც ადგილობრივებისთვის, ასევე ტურისტებისათვის გადაადგილება უსაფრთხო და კომფორტული გახდა.
პროექტი მუნიციპალური განვითარების ფონდის დაკვეთით, მსოფლიო ბანკის ფინანსური მხარდაჭერითა და საქართველოს მთავრობის თანადაფინანსებით ხორციელდება. პროექტის ღირებულება - 1,704,877.70 ლარია. სამუშაოზე დასაქმებული იყო - 70 ადამიანი.