პროექტ-დაიჯესტი
სოფლების - გაღმა და გამოღმა ქარიატას დამაკავშირებელი ხიდის მშენებლობა დასრულდა
2026-05-22 15:45:00
ხობის მუნიციპალიტეტში, ქარიატას ადმინისტრაციულ ერთეულში, მდინარე ხობისწყალზე, სოფლების - გაღმა და გამოღმა ქარიატას დამაკავშირებელი სახიდე გადასასვლელის მშენებლობა დასრულდა.
პროექტის ფარგლებში, აშენდა ახალი ფოლად-რკინა-ბეტონის ხიდი, რომლის სიგრძე 116 მეტრს შეადგენს.
ახალი ხიდი ორ მჭიდროდ დასახლებულ სოფელს დააკავშირებს ერთმანეთთან და მოსახლეობის უსაფრთხო და კომფორტულ გადაადგილებას უზრუნველყოფს.
პროექტი სახელმწიფო ბიუჯეტიდან 4,7 მლნ. ლარით დაფინანსდა.
პროექტი ინფრასტრუქტურის სამინისტროს, საავტომობილო გზების დეპარტამენტმა განახორციელა.
