პროექტ-დაიჯესტი
კონფლიქტისპირა სოფელ კოკში ახალი ხიდი აშენდა
2016-03-09 12:28:00
![](/res/images/images/2016030912313494.jpg)
ზუგდიდის მუნიციპალიტეტის კოკის ადმინისტრაციულ ერთეულში საავტომობილო ხიდის მშენებლობა დასრულდა.
მონოლითური რკინაბეტონის ხიდ-ბოგირი 9 მეტრი მოცულობისაა.
წლების განმავლობაში ხიდი ავარიულ მდგომარეობაში იყო, რაც საფრთხეს უქმნიდა მოსახლეობის უსაფრთხო გადაადგილებას. სტიქიის შედეგად კი ხიდზე გადასვლა ფაქტიურად შეუძლებელი იყო.
ახლადრეაბილიტირებული საავტომობილო ხიდით ორი კონფლიქტისპირა სოფლის, კოკისა და ორსანტიის მოსახლეობა ისარგებლებს. ხიდ-ბოგირის მშენებლობისთვის ზუგდიდის მუნიციპალიტეტის სარეზერვო ფონდიდან 29.735 ლარი გამოიყო.