პროექტ-დაიჯესტი
წალენჯიხაში მეუნარგიას ქუჩაზე ცემენტობეტონის საფარი დაიგო
2015-03-03 14:13:00
წალენჯიხის მუნიციპალიტეტში, მეუნარგიას ქუჩაზე პირველ და მეორე შესახვევში ცემენტობეტონის საფარის მოწყობის სამუშაოები დასრულდა. პროექტის საერთო ღირებულებამ 68 927 ლარი შეადგინა. თანხა საქართველოს მთავრობის განკარგულების საფუძველზე სტიქიური მოვლენების სალიკვიდაციოდ გამოიყო. დასაქმებული იყო ადგილობრივი მუშახელი.
სტიქიური მოვლენების სალიკვიდაციოდ გამოყოფილი თანხით სამუშაოები მიმდინარეობს სოფელ მედანში მდინარე ჭანისწყალზე, სადაც ნაპირდამცავი გაბიონები შენდება, რისთვისაც 178 106 ლარია გამოყოფილი, დასაქმებულია 15 ადგილობრივი მცხოვრები. ნაპირდამცავი სამუშაოები მიმდინარეობს ასევე ხითერი–საკალანდიოს ტერიტორიაზე, რისთვისაც ბიუჯეტიდან 39 ათასი ლარი დაიხარჯება.
