მდინარე ტარჩიაზე ნაპირსამაგრი სამუშაოები განხორციელდა

ზუგდიდის მუნიციპალიტეტის სოფელ ჯიხაშკარში, საზარანდიოს უბანში, მდინარე ტარჩიაზე ნაპირსამაგრი ნაგებობა მოეწყო. მდინარე ტარჩია უხვი ნალექის შედეგად კალაპოტიდან გადმოდიოდა და უბანში მცხოვრებ მოსახლეობას ზიანს აყენებდა. დატბორვის შემთხვევაში ნადგურდებოდა მოსახლეობის მიერ დამუშავებული მიწა და მოსავალი. ადიდების შემთხვევაში კი მდინარე საფრთხეს წარმოადგენდა ამ უბნის მოსახლეობისთვის. მდინარე ტარჩიაზე ნაპირდამცავი ნაგებობის მოწყობა 2014 წელს განხორციელდა. გაბიონი მოეწყო 70 მეტრზე. პროექტი „რეგიონალური განვითარების ფონდიდან“ 60 ათასი ლარით დაფინანსდა. პროექტის განხორციელებით გაუმჯობესდება და უსაფრთხო გახდა უბნის 10 ოჯახის მდგომარეობა. პროექტის განხორციელებისას დასაქმებული იყო 10 მდე ადგილობრივი მცხოვრები.