რეგიონული ინოვაციის დღეებმა სტარტი ზუგდიდიდან აიღო

ინოვაციებისა და ტექნოლოგიების სააგენტომ USAID-ის პროექტ ZRDA- ს ფარგლებში რეგიონული ინოვაციების დღეების ორგანიზება დაიწყო. პროექტმა სტარტი ზუგდიდის ტექნოპარკიდან აიღო.

ვიზიტის ფარგლებში ზუგდიდის ტექნოპარკში საქართველოს ინოვაციების და ტექნოლოგიების სააგენტოსა და USAID - ის პროექტ ZRDA- ს შორის ურთიერთთანამშრომლობის მემორანდუმი გაფორმდა, რაც მოიცავს 3 წლიან თანამშრომლობას რეგიონებში ინოვაციებისა და საერთო სამეწარმეო გარემოს განვითარებისთვის.

თანამშრომლობის ფარგლებში მოხდება საინფორმაციო დღეებისა და ტრენინგების ორგანიზება რეგიონებში, ბიზნეს საკონსულტაციო მომსახურება ინოვაციებისა და სტარტაპებისათვის ფინანსებთან წვდომის გასაუბჯობესებლად და დასაქმების ფორუმების ორგანიზება.

პროექტის ფარგლებში, საქართველოს ინოვაციებისა და ტექნოლოგიების სააგენტომ ადგილობრივ მოსახლეობას, ახალგაზრდებს, მეცნიერებსა და მეწარმეებს, სახელმწიფოს ხედვა ინოვაციების განვითარების კუთხით გააცნო და საკუთარი პროგრამები, პროექტები და სერვისები წარადგინა. შეხვედრას ინოვაციებისა და ტექნოლოგიების სააგენტოს ხელმძღვანელი ირაკლი ქაშიბაძე, USAID-ის პროექტ ზრდა საქართველოში ხელმძღვანელი ბრაიან კინგი და სამეგრელო-ზემო სვანეთის სამხარეო ადმინისტრაციის რეგიონული პროექტების კოორდინირების სამსახურის უფროსის მოადგილე ნუგზარ გაბელია დაესწრო.

შემდეგი ინოვაციების დღეები ბოლნისსა და გორში 2 და 3 ნოემბერს 10:30 საათზეა დაგეგმილი.