ჩხოროწყუს მუნიციპალიტეტში საბავშვო ბაღის მშენებლობა დაიწყო

ჩხოროწყუს მუნიციპალიტეტის გარახის უბანში 16 სექტემბერს ახალი საბავშვო ბაღის მშენებლობა დაიწყო. 25 ადგილიანი (სეზონური გაფართოებით 50 ადგილი) სკოლამდელი სააღმზრდელო დაწესებულება ფუნქციონირებას გაზაფხულზე დაიწყებს. ადგილობრივი ხელისუფლების გადაწყვეტილებით, ბავშვებისათვის უსაფრთხო გარემოს შექმნის მიზნით, გარახას უბანში ამ დრომდე არსებული საბავშვო ბაღის ხის ნაგებობის დემონტაჟი მოხდა. სასწავლო პროცესი კი დროებით, ნაქირავებ ფართში გრძელდება, რომლის დაფინანსებაც ჩხოროწყუს მუნიციპალიტეტის გამგეობამ უზრუნველყო. მშენებლობა მუნიციპალური განვითარების ფონდისა და ადგილობრივი ბიუჯეტით (თანადაფინანსებით) ხორციელდება. პროექტის ღირებულება 249 858 ლარია. სამუშაოებს შპს „ინდიკო“ ასრულებს.
ჩხოროწყუს მუნიციპალიტეტში, ქვედა ჩხოროწყუს ტერიტორიაზე, რამდენიმე დღეში კიდევ ერთი ახალი საბავშვო ბაღის მშენებლობა დაიწყება, რომელიც 150-200 ბავშვზეა გათვლილი. თანამდროვე სტანდარტების შესაბამისი სკოლამდელი სასწავლო დაწესებულების მშენებლობისათვის თანხები რეგიონებში განსახორციელებელი პროექტების ფონდიდან გამოიყო. პროექტის ღირებულება 499 700 ლარს შეადგენს.