კონკურსი 2014

აბაშის, ზუგდიდის, მარტვილის, მესტიის, სენაკის, ჩხოროწყუს, წალენჯიხის, ხობის მუნიციპალიტეტებსა და თვითმმართველ ქალაქ ფოთში სახელმწიფო რწმუნებულის - გუბერნატორის ადმინისტრაციაში საჯარო მოხელეთა ვაკანტური თანამდებობების დასაკავებლად 2014 წლის 12 მარტს გამოცხადებული კონკურსის მე–2 ეტაპი (გასაუბრება) უკვე მეორე დღეა მიმდინარეობს. გასაუბრება 4 აპრილს დაიწყო და 6 აპრილს დასრულდება.

სამეგრელო-ზემო სვანეთის მხარეში სახელმწიფო რწმუნებულის–გუბერნატორის ადმინისტრაციაში საჯარო მოხელეთა ვაკანტური თანამდებობების დასაკავებლად 282 განცხადება იყო შესული, აქედან მეორე ეტაპზე მხოლოდ 92 კანდიდატი გადავიდა.

2014 წლის 4 აპრილს გაიმართა კონკურსის მე–2 ეტაპი (გასაუბრება) მდივან–რეფერენტისა და სახელმწიფო რწმუნებულის–გუბერნატორის აპარატის კონკრეტულ ვაკანტური თანამდებობების დასაკავებლად.

საკომისიო–საატესტაციო კომისიის სამდივნოს განცხადებით – ,,მდივან–რეფერენტის მე–2 ეტაპზე დაშვებული 12 კანდიდატიდან გასაუბრებაზე გამოცხადდა 5 კანდიდატი; აპარატის უფროსის ვაკანსიაზე დაშვებული 3 კანდიდატიდან გამოცხადდა 2; აპარატის უფროსის მოადგილის ვაკანსიაზე 3 კანდიდატიდან ერთი გამოცხადდა; აპარატის მთავარი სპეციალისტის ვაკანსიაზე დაშვებული 6 კანდიდატიდან გამოცხადდა 5 კანდიდატი და უფროსი სპეციალისტის 6 კანდიდატიდანაც გამოცხადდა 5.