ახალი ამბები
სამეგრელო-ზემო სვანეთის გუბერნატორი ფეხბურთის ფედერაციის ვიცე-პრეზიდენტს შეხვდა
2016-07-21 15:59:00
სამეგრელო-ზემო სვანეთის გუბერნატორი ლევან შონია საქართველოს ფეხბურთის ფედერაციის ვიცე-პრეზიდენტს კახა ჭუმბურიძეს შეხვდა. შეხვედრაზე რეგიონში საფეხბურთო სფეროში არსებულ მდგომარეობაზე და საჭიროებებზე ისაუბრეს. ყურადღება გამახვილდა ბავშვთა ფეხბურთის განვითარების საკითხზე.
ლევან შონიამ და კახა ჭუმბურიძემ რეგიონში სამომავლოდ განსახორციელებელი გეგმები დასახეს. მათ შორის ისაუბრეს საფეხბურთო აკადემიის შექმნის აუცილებლობაზე. ამ საკითხზე მუშაობა დაწყებულია.
გუბერნატორსა და ფეხბურთის ფედერაციის ვიცე-პრეზიდენტს შორის გამართულ შეხვედრას რეგიონული პროექტების კოორდინირების სამსახურის უფროსი დათო კოდუა და ფედერაციის წარმომადგენლები გიორგი რევაზიშვილი და ზაზა ზანთარაძე ესწრებოდნენ.
