ახალი ამბები
30-31 ივლისს ზუგდიდში ავტო-მოტო მოყვარულთა შოუ გაიმართება
უკვე მეორედ ზუგდიდში ავტო-მოტომოყვარულთა გრანდიოზული შეჯიბრი გაიმართება, რომელშიც მონაწილეობას პროფესიონალი და მოყვარული მრბოლელები მთელი ქვეყნის მასშტაბით მიიღებენ.
ღონისძიება, ზუგდიდიში ინგირის აეროპორტის ტერიტორიაზე 30-31 ივლისს გაიმართება. ღონისძიება იქნება შოუს ელემენტებით დატვირთული. მონაწილეები ერთმანეთს ავტო-მოტო დრაგში შეეჯიბრებიან, ასევე გაიმართება „დრიფტ შოუ“, სადაც მონაწილეობას საქართველოში ცნობილი მრბოლელების მიიღებენ. ღონისძიებაზე დასწრება თავისუფალი იქნება.
ღონისძიებას მუსიკალურად, ცნობილი DJ-ები გააფორმებენ. ავტო-მოტო შეჯიბრებებში გამარჯვებულები სხვადასხვა კატეგორიაში გამოვლინდებიან.
რეგიონში ავტო-მოტო შეჯიბრის ჩატარების იდეის ავტორი სამეგრელო-ზემო სვანეთის გუბერნატორი ლევან შონიაა, ღონისძიება „Western Drivers Club სამეგრელოსა“ და „BMW Club Georgias“ ორგანიზებითა და სამეგრელო-ზემო სვანეთის გუბერნატორის ადმინისტრაციის მხარდაჭერით ტარდება.
ავტო-მოტო მოყვარულთა შოუ ახალგაზრდობის წლის ფარგლებში ტარდება, შეგახსენებთ, რომ 2016 წელი სამეგრელო ზემო სვანეთის გუბერნატორმა რეგიონში ახალგაზრდობის წლად გამოაცხადა.
პროექტ–დაიჯესტი
ფოტო გალერეა
რეგიონის რუკა
სიახლეების კალენდარი
ბანერები
