ახალი ამბები
დევნილთა მინისტრმა და ზუგდიდის გამგებელმა გიგა ოთხოზორიას საფლავი გვირგვინით შეამკეს
2016-06-26 14:21:00
დევნილთა და განსახლების მინისტრმა სოზარ სუბარმა, მინისტრის მოადგილემ მამუკა ცოტნიაშვილმა და ზუგდიდის მუნიციპალიტეტის გამგებელმა ედიშერ თოლორაიამ ხურჩაში დაღუპულ გიგა ოთხოზორიას ხსოვნას პატივი მიაგეს და მისი საფლავი გვირგვინით შეამკეს.
დღეს გიგა ოთხოზორიას გარდაცვალებიდან ორმოცი დღე გავიდა. ხურჩის ე.წ. საზღვართან გიგა ოთხოზორია აფხაზმა მებაჟებ 19 მაისს მოკლა.
სოზარ სუბარის განცხადებით „გიგა ოთხოზორია ოკუპაციის მსხვერპლია.ჩვენ მოვალე ვართ გვერდით დავუდგეთ გიგას ოჯახს და გავაძლიეროთ. ჩვენ ყველა პირობას შევუქმნით გიგას შვილებს რომ, ღირსეულად აღიზარდონ და ყველა პირობა ქონდეთ ღირსეულად ცხოვრების.“
