ზუგდიდში მოსწავლე ახალგზარდობის სასახლე გაიხსნა

ქალაქ ზუგდიდში მოსწავლე ახალგზარდობის სასახლის სრული რეაბილიტაცია დასრულდა. რეაბილიტირებული შენობა დღეს სამეგრელო-ზემო სვანეთის გუბერნატორმა ლევან შონიამ და ქალაქ ზუგდიდის მერმა ირაკლი გოგოხიამ გახსნეს.

სასახლის რეაბილიტაციისთვის მთლიანობაში 1 288 090 ლარი დაიხარჯა.

სამშენებლო სამუშაოებზე დასაქმებული იყო 40-მდე ადგილობრივი მცხოვრები.

მთლიანად განახლდა სასახლის შიდა და გარე ინფრასტრუქტურა, მოეწყო ახალი სცენა, გათბობის და კონდიცირების სისტემები, შენობა ადაპტირებულია შეზღუდულ შესაძლებლობების მქონე პირებისთვის. სასახლის დარბაზი აღჭურვილია თანამედროვე აპარატურითა და სასცენო ეფექტებით.

გახსნის ცერემონიალის დასრულების შემდეგ გუბერნატორმა შეკრებილებს მიმართა და მათ თანამედროვე მოსწავლე-ახალგაზრდობის სასახლის გახსნა მიულოცა. ლევან შონიამ ახალგზარდებს განუცხადა, რომ "ჩვენ თქვენთვის გვაქვს კიდევ ერთი სიურპრიზი, ძალიამ მალე თქვენ გექნებათ ახალი ტექნოინოვაციების პარკი და ის პრემიერის გადაწყვეტილებით ზუგდიდში მდებარე პრეზიდენტის რეზიდენციაში განთავსდება".