ახალი ამბები
გუბერნატორ ლევან შონიას სააღდგომო მილოცვა
გილოცავთ აღდგომის ბრწყინვალე დღესასწაულს! ქრისტე აღდგა!
ეს უდიდესი ქრისტიანული დღესასწაული განსაკუთრებულად მინდა მივულოცო ჩვენი რეგიონის, სამეგრელო-ზემო სვანეთის მოსახლეობას, ჩვენს რეგიონში მცხოვრებ დევნილებს, ოკუპირებულ ტერიტორიებზე მცხოვრებ თანამოქალაქეებს, ჩვენს აფხაზ დებს და ძმებს.
რთულია, რომ ამ დღესასწაულებზე ვერ მივდივართ ოკუპირებულ ტერიტორიებზე მდებარე ჩვენი ახლობლების საფლავებზე, თუმცა მჯერა, რომ ეს დროებითია და მალე ვიზეიმებთ აღდგომის ბრწყინვალე დღეს ჩვენს აფხაზ დებთან და ძმებთან ერთად, აქვე ძალიან ახლოს მდებარე აფხაზეთში.
აღდგომა ბრწყინვალე დღესასწაულთა შორის უდიდესია, ეს არის ყველაზე დიდი, სიხარულისა და იმედის მომტანი დღე! ეს არის დღე, როდესაც სიცოცხლემ სიკვდილზე გაიმარჯვა, სიკეთემ ბოროტებას სძლია.
კიდევ ერთხელ გილოცავთ აღდგომის ბრწყინვალე დღესასწაულს!
ქრისტე აღდგა - ჭეშმარიტად აღდგა!
პატივისცემით, სამეგრელო-ზემო სვანეთის გუბერნატორი - ლევან შონია
პროექტ–დაიჯესტი
ფოტო გალერეა
რეგიონის რუკა
სიახლეების კალენდარი
ბანერები
