ახალი ამბები
ტყაიაში ახალი გზა შენდება
2016-04-11 17:51:00
ზუგდიდის მუნიციპალიტეტის სოფელ ტყაიაში ახალი გზა შენდება. სოფლის ცენტრალურ გზაზე 18 სანტიმეტრის სისქის მქონე ბეტონის გზის დაგება მიმდინარეობს. გზის სიგრძე 2134 მტრს მოიცავს. პროექტი რეგიონალური განვითარების ფონდისა და ადგილობრივი ბიუჯეტის თანადაფინანსებით ხორციელდება.
გზის მშენებლობასთან ერთად მიმდინარეობს ბეტონის მაღალი გამძლეობის ხიდ-ბოგირებისა და მილ-ხიდების მშენებლობა. გზის გასწვრივ მოეწყო ასევე ბეტონის სანიაღვრე არხები.
ტყაიაში გზის სამშენებლო სამუშაოები, ზუგდიდის მუნიციპალიტეტის გამგებელმა ედიშერ თოლორაიამ დაათავლიერა.
გამგებლის განცხადებით, სოფლის ყველა ცენტრალური გზა ბეტონის საფარის და ასევე არმირებული იქნება, მისი მდგრადობისა და სიმყარის გათვალისწინებით.
