ახალი ამბები
კონსტიტუციური კანონპროექტის საჯარო განხილვა
2016-03-31 16:42:00
„საქართველოს კონსტიტუციაში ცვლილებების შეტანის თაობაზე“ საქართველოს კონსტიტუციური კანონპროექტის საყოველთაო-სახალხო განხილვა ზუგდიდში გაიმართა, რომელსაც რეგიონის მოსახლეობა დაესწრო.
შეკრებილებს, ოჯახის დეფინიციის კონსტიტუციით გამყარების კანონპროექტი საქართველოს პარლამენტის წევრებმა მანანა კობახიძემ, ეკა ბესელიამ, გედევან ფოფხაძემ, გიორგი გაჩეჩილაძემ, ზურაბ ტყემლაძემ და გოგი თოფაძემ წარუდგინეს. შეხვედრას მოსახლეობასთან ერთად, სამეგრელო-ზემო სვანეთის გუბერნატორი ლევან შონია და ადგილობრივი ხელისუფლების წარმომადგენლები ესწრებოდნენ.
კონსტიტუციაში შესატანი ცვლილებების საჯარო განხილვები საქართველოს 12 ქალაქში გაიმართება.
