2016 წელი სამეგრელო-ზემო სვანეთში ახალგაზრდულ წლად გამოცხადდა. წელს რეგიონში 3 სპორტის სასახლე აშენდება, ასევე დაგეგმილია ტექნოინოვაციური პარკის მშენებლობა, რომელიც ზუგდიდში განთავსდება. გუბერნატორმა პარკის მნიშვნელობაზე ისაუბრა და აღნიშნა, რომ რეგიონს ტექნოინოვაციური პარკი ახალ სიცოცხლეს შესძენს.

არასამთავრობო ორგანიზაციაბმა კითხვები ძირითადად რეგიონში ტურიზმის განვითარებაზე და დაგეგმილ საზაფხულო ფესტივალებზე დასვეს. კითხევბი ფოთის ჰიდროტექნიკური ნაგებობის რეაბილიტაციაზეც დაისვა, რაზე გუბერნატორმა განაცხადა რომ ხიდის რეაბილიტაცია აუცილებლად მოხდება და მასზე მუშაობა მიმდინარეობს. არასამთავრობოებმა კითხვები ანაკიის პორტზეც დასვეს, მათ შორის ხომ არ ემუქრება პრობლემა კოლხეთის ეროვნული პარკის ფლორას და ფაუნას, რაზეც ლევან შონიამ უპასუხა, რომ პორტის მშნებლობის პროექტის გათნავლისწინებით კოლხეთის ფლორას და ფაუნას საფრთხე არ ემუქრება. კითხვები შეზღუდული შესაძლებლობების მქონე პირთათვის გარემოს ადაპტირებასაც შეეხო, რაზეც სამხარეო რწმუნებულმა განაცხადა, რომ ყველა ახალ პროექტში გათვალისწინებულია ადაპტირებული ინფრასტრუქტურა და ასევე მიმდინარეობს ადრე აშენებულ შენობებზე ინფრასტრუქტურის მოწესრიგება, ლევან შონიას განცხადებით, მოხდება შშმ პირთა სპორტულ აქტივობებში ჩართულობის ხელშეწყობა. სახელმწიფო რწმუნებულს კითხვა ზუგდიდის თეატრზეც დაუსვეს, გუბერნატორის განცხადებით, „ზუგდიდი იმსახურებს თანამედროვე სტანდარტების მქონე თეატრის შენობას, რისი ღირსიც ადგილობრივი საზოგადოებაა, ამისთვის მუშაობა მიმდინარეობს და ზუგდიდის იტორიული თეატრი აუცილებლად ახალ სიცოცხლეს შეიძენს, მანამდე კი დასს მუშაობის გაგრძელების შესაძლებლობა ახლადგარემონტებულ მოსწავლე-ახალგაზრდობის სასახლეში შექნება“. შეხვედრაზე არასამთავრობოთა ნაწილი ინიციატივით გამოვიდა შეიქმნას დევნილთა საკოორდინაციო საბჭო, რომელიც აქტიურად ჩაერთვება დევნილთა პრობლემების ინდენტიფიცირებასა და მათ მოგვარებაზე, ინიციატივა გუბერნატორმა დადებითად შეაფასა და მათ სრული მხარდაჭერა აღუთქვა. შეხვედრაზე გუბერნატორს ზუგდიდში სამარშუტო ტაქსების მძღოლების მიერ გამართულ აქციაზეც დაუსვეს კითხვა, ლევან შონიამ აღნიშნა, რომ მას როგორც გუბერნატორს არ სურს კერძო კომპანიების დავაში ჩაერთოს, თუმცა კონკურენცია განვითარების ერთადერთ გზად დაასახელა. შეხვედრამ სამ საათზე მეტ ხანს გასტანა.

არასამთავრობოებთან გუბერნატორის ანგარიშს გუბერნატორის მოადგილე, ქალაქის მერი, რეგიონული პროექტების კოორდინირების სამსახურის უფროსი და მოადგილე ესწრებოდნენ.

გუბერნატორმა ანგარიში უკვე ჩააბარა სტუდენტებს, სამომავლოდ კი ანგარიშის ჩაბარება სხვადასხვა ფოკუს ჯგუფებთან რეგიონის სხვადასხვა მუნიციპალიტეტბში იგეგმება.

ამავე თემაზე: 

სამეგრელო-ზემო სვანეთში მთავრობის საქმიანობის 3 და გუბერნატორის საქმიანობის 2 წლის ანგარიში