პრემიერის ინიციატივით სამეგრელო-ზემო სვანეთის რეგიონში წინასაარჩევნო სააგიტაციო მასალების ნარჩენებისგან დასუფთავების მასშტაბური აქცია ჩატარდა

29-30 აგვისტოს, საქრთველოს პრემიერის, ირაკლი ღარიბაშვილის ინიციატივით, ქვეყნის ყველა სოფელსა და ქალაქში წინასაარჩევნო სააგიტაციო მასალების ნარჩენებისგან დასუფთავების მასშტაბური აქცია ჩატარდა. სამთავრობო ინიციატივას ზუგდიდისა და ფოთის მერიები, აბაშის, სენაკის, ხობის, მარტვილის, წალენჯიხისა და ჩხოროწყუს მუნიციპალიტეტების გამგეობები შეუერთდნენ. დასუფთავების აქცია საქართველოს ყველა მუნიციპალიტეტში ერთდროულად, დილის 10:00 საათზე დაიწყო და მასში მერები და გამგებლებიც ჩაერთვნენ. პირველ ეტაპზე პოლიტიკური პლაკატებისგან შენობები, სკვერები და ბოძები დასუფთავდა. მუნიციპალიტეტები იღებენ ვალდებულებას, საკუთარ საზღვრებში იზრუნონ გარემოსა და იერსახის დასუფთავება-გაუმჯობესებაზე. მუნიციპალიტეტების დასუფთავების მასშტაბური აქციები პერმანენტულ ხასიათს მიიღებს და მათზე ზედამხედველობა გამგებლებისა და მერების მხრიდან გამკაცრდება.