ახალი ამბები
მარტვილში დევნილთა ჩასახლებაში გაზიფიცირების სამუშაოები მინისტრებმა და გუბერნატორმა დაათვალიერეს
საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა მინისტრმა სოზარ სუბარმა, სოფლის მეურნეობის მინისტრმა ოთარ დანელიამ და სამეგრელო-ზემო სვანეთის გუბერნატორმა ლევან შონიამ მარტვილში 44 დევნილი ოჯახის გაზიფიცირების სამუშაოები მოინახულეს.
მარტვილში, მშვიდობის ქუჩაზე ორსართულიანი შენობის გაზიფიცირებისათვის საჭირო ხარჯები დევნილთა სამინისტროს ბიუჯეტიდან გამოიყო. სამუშაოები მიმდინარე წლის მარტის ბოლოს დასრულდება. მშვიდობის ქუჩაზე, ყოფილი სკოლა-ინტერნატის შენობაში დევნილი ოჯახები ბუნებრივი აირის გარეშე 2010 წლიდან ცხოვრობენ.
გაზიფიცირების სამუშაოების დათვალიერების შემდეგ, მინისტრები და გუბერნატორი დევნილებს გაესაუბრნენ და მათ საჭიროებებზე ინფორმაცია მიიღეს. მთავრობის წარმომადგენლებმა დევნილებს სახელმწიფო პროგრამა ,,აწარმოე საქართველოში" გააცნეს და მასში მონაწილეობისკენ მოუწოდეს.
პროექტ–დაიჯესტი
ფოტო გალერეა
რეგიონის რუკა
სიახლეების კალენდარი
ბანერები
