ახალი ამბები
ჟიული შარტავას ხსოვნას მინისტრებმა და გუბერნატორმა პატივი მიაგეს
საქართველოს ეროვნულ გმირს - ჟიული შარტავას დღეს დაბადებიდან 72 წელი შეუსრულდებოდა. შარტავას მშობლიურ ქალაქ სენაკში, მისი მემორიალი გვირგვინებით შეამკეს დევნილთა და განსახლების მინისტრმა სოზარ სუბარმა, სოფლის მეურნეობის მინისტრმა ოთარ დანელიამ, თავდაცვის მინისტრმა თინათინ ხიდაშელმა და სამეგრელო-ზემო სვანეთის გუბერნატორმა ლევან შონიამ.
„ჟიული შარტავა არის ჩვენი დროის გმირი, მან თავისი გმირობით მაგალითი აჩვენა ყველას თუ როგორ უნდა ვიბრძოლოთ სამშობლოსთვის. ჟიული შარტავას გმირობებზე თაობები აღიზრდებიან“ - განაცხადა გუბერნატორმა ლევან შონიამ.
ჟიული შარტავას ბიუსტის გვირგვინებით შემკობის შემდეგ მინისტრები და გუბერნატორი, იმ სკოლას და საკლასო ოთახს ეწვივნენ, სადაც საქართველოს ეროვნული გმირი სწავლობდა. დღესვე სენაკის ყველა საჯარო სკოლამ პირველი გაკვეთილი ჟიული შარტავას მოღვაწეობას მიეძღვნა.
დღეს, ჟიული შარტავას ხსოვნას პატივი ასევე მიაგეს გუბერნატორის მადგილემ კახაბერ რუსიამ, სენაკის გამგებელმა, საკრებულოს თავმჯდომარემ, სენაკის მეორე ქვეითი ბრიგადის სარდლობამ, ჯარისკაცებმა და ადგილობრივმა მოსახლეობამ.
პროექტ–დაიჯესტი
ფოტო გალერეა
რეგიონის რუკა
სიახლეების კალენდარი
ბანერები
