ახალი ამბები
ზუგდიდისა და ჩხოროწყუს დამაკავშირებელი 120 მეტრიანი ხიდის მშენებლობა იწყება
2016-01-26 10:40:00
ჯიხაშკარში ორი მუნიციპალიტეტის დამაკავშირებელი ხიდი აშენდება. ზუგდიდისა და ჩხოროწყუს მუნიციპალიტეტის დამაკავშირებელი ახალი ხიდის მშენებლობის ნებერთვას ზუგდიდის მუნიციპალიტეტის გამგეობის არქიტექტურის განყოფილებაში ხელი უკვე მოეწერა. ახალი ხიდი მდინარე ჭანისწყალზე აშენდება და სიგრძე 120 მეტრი, სიგანე კი 11 მეტრი იქნება. ხიდის ტროტუარი შეადგენს 1 მეტრსა და 20 სანტიმეტრს. ახალი ხიდის მშენებლობა საქართველოს რეგიონალური განვითარებისა და ინფრასტრუქტურის სამინისტროს მიერ 3 მილიონ 500 ათასი ლარით დაფინანსდა.
