ახალი ამბები
მარტვილში, ჩხოროწყუსა და ზუგდიდში ტურიზმის საინფორმაციო ცენტრები გაიხსნა
საქართველოს ტურიზმის ეროვნული ადმინისტრაციის ხელმძღვანელმა გიორგი სიგუამ მარტვილში, ჩხოროწყუსა და ზუგდიდში ტურიზმის საინფორმაციო ცენტრები გახსნა. ცენტრის მონაცემთა ბაზა სხვადასხვა სახის ტურისტული ობიექტების, განთავსებისა და კვების ობიექტების, მუზეუმების, გალერეების შესახებ დეტალურ ინფორმაციას მოიცავს.
საინფორმაციო ცენტრებში მისულ ტურისტებს საშუალება ეძლევათ საქართველოს მასშტაბით არსებული ტურისტული ადგილების და ღირშესანიშნაობების შესახებ რეკომენდაცია მიიღოს, დაგეგმოს ტური კონკრეტული მიმართულებით. საინფორმაციო ცენტრები ტურისტული ბროშურებითა და რუკებით არის აღჭურვილი და ტურისტებს უფასოდ ემსახურება. საქართველოს მასშტაბით ტურიზმის 21 საინფორმაციო ცენტრი ფუნქციონირებს.
ტურიზმის საინფორმაციო ცენტრების გახსნას ტურიზმის ეროვნული ადმინისტრაციის წარმომადგენლებთან ერთად სამეგრელო-ზემო სვანეთის სახელმწიფო რწმუნებული-გუბერნატორის მოადგილე კობა ქანთარია და მუნიციპალიტეტის გამგებლები ესწრებოდნენ.
პროექტ–დაიჯესტი
ფოტო გალერეა
რეგიონის რუკა
სიახლეების კალენდარი
ბანერები
