ახალი ამბები
ზუგდიდში ცენტრალური სტადიონის მშენებლობა დაიწყო
✅ ზუგდიდის ახალი სტადიონი დაპროექტებულია უეფას III კატეგორიის სტადიონის სტანდარტების შესაბამისად და გათვლილია 7233 მაყურებელზე.
✅ სტადიონს ექნება სათადარიგო მოედანი, რომელიც 1224 მაყურებელზეა გათვლილი. სათადარიგო სტადიონი სხვადასხვა თამაშების ერთდროულად გამართვის შესაძლებლობასაც იძლევა.
✅ სტადიონზე გათვალისწინებულია მაყურებელთა 10 შესასვლელი, მოედნის კუთხეებში გათვალისწინებულია სახანძრო და სასწრაფო დახმარების მანქანების მისასვლელები. დასავლეთ ტრიბუნასთან განთავსდება ავტობუსების პარკინგი გუნდების, ქომაგების და ჟურნალისტებისთვის, ასევე პარკინგი VIP მაყურებელთათვის. პარკინგი გათვალისწინებულია აგრეთვე დამხმარე სტადიონის გარშემოც. მიმდებარე ტერიტორიაზე განთავსდება მაღაზიები, კვების ობიექტები.
✅ სტადიონები და დამხმარე ინფრასტრუქტურა განთავსდება 6,5 ჰექტარ მიწის ფართობზე.
