ახალი ამბები
სტიქიისგან დაზიანებული სახლების რეაბილიტაცია დაიწყო
2015-11-19 09:27:00
ფოთში, რუხაძის ქუჩაზე სტიქიის შედეგად დაზიანებული კორპუსის სახურავის სარეაბილიტაციო სამუშაოები მიმდინარეობს.
აღნიშნული სამუშაოები ადგილზე ფოთის მერმა ირაკლი კაკულიამ დაათვალიერა.
სტიქიის შედეგების სალიკვიდაციოდ, ქალაქის მუნიციპალიტეტში შექმნილია საგანგებო შტაბი, რომელიც საქართველოს მთავრობის მხარდაჭერით შესაბამის ზომებს იღებს დაზარალებულთა დასახმარებლად.
შეგახსენებთ, 17 ნოემბერს გამთენისას, 05:30 წთ -ზე ამოვარდნილმა ქარბორბალამ ფოთში, მრავალბინიანი საცხოვრებელი და კერძო სახლების სახურავები დააზიანა. მოგლეჯილია ხეები, დაზიანებულია ელექტროგადამცემი ბოძები და სადენები.
