სენაკში კიდევ ერთი ახალი საწარმო გაიხსნა

კიდევ ერთი ახალი საწარმო გაიხსნა სენაკში. საწარმო „ვაგო“ შეღავათიანი აგროკრედიტის პროგრამის ფარგლებში დაფინანსდა. კაკლისა და თხილის გადამამუშავებელი საწარმო დღეს სოფლის მეურნეობის მინისტრმა ოთარ დანელიამ და სამეგრელო-ზემო სვანეთის გუბერნატორმა ლევან შონიამ, სენაკის გამგებელთან ერთად დაათვალიერეს. 

ახალი საწარმოს ინვესტიციის მოცულობამ 350 000 დოლარი შეადგინა. აქედან შეღავათიანი აგროკრედიტის ფარგლებში - 250 000 დოლარი გამოიყო, ხოლო კერძო დაფინანსება - 100 000 დოლარია. ,,ვაგოს’’ მშენებლობა 2014 წლის დეკემბერში დაიწყო. პროდუქციის გასაღების ბაზარი ევროპის ქვეყნებია. საწარმოს მფლობელი ბიზნესმენი ვახტანგ ადამიაა. დასაქმებულთა რაოდენობა 120 ადგილობრივ მცხოვრებს შეადგენს.