საკონსერვო ქარხნის მშენებლობით დაინტერესებული ინვესტორები გუბერნატორს შეხვდნენ

სამეგრელო-ზემო სვანეთის მხარეში სახელმწიფო რწმუნებული - გუბერნატორი ლევან შონია რეგიონში საკონსერვო ქარხნის მშენებლობით დაინეტერესებული თურქული დეველოპერული სინვესტიციო ჯგუფის „HICC Heavy Industry Construction co“-ს წარმოამდგენლებს შეხვდა.

გუბერნატორმა საინვესტიციო ჯგუფს რეგიონში საკონსერვო ქარხნის პერსპექტივები გააცნო. კომპანიის ექსპერტთა ჯგუფმა უკვე შეისწავლა რეგიონში გავრცელებული ხილისა და ბოსტნეულის სახეობები, მათი პროდუქტიულობა და ხარისხი. თურქი ინვესტორები ზუგდიდში ნატურალური ხილის წვენის, კომპოტების, სხვადასხვა სახის ჯემების, საწებლების, მარინადების და სხვა საკონსერვო პროდუქციის წარმოებას გეგმავენ.

გუბერნატორ ლევან შონიას განცხადებით, რეგიონში დიდი საკონსერვო ქარხანა არ არსებობს და მისი ამოქმედება სამუშაო ადგილების და ინვეტიციის ჩადებასთან ერთად, სოფლად მცხოვრებ მოქალაქეებს ხილის და ბოსტნეულის რეალიზაციის პრობლემას მოუხსნის. მისივე განმარტებით, ეს იქნება ინვესტიცია, რომელიც ამავდრულად ხელს შეუწყობს სოფლის მეურნეობის განვითარებასაც.

კორპორაცია „HICC Heavy Industry Construction co“ წარმომადგენლობებს მსოფლიოს სხვადასხვა ქვეყანაში ფლობს, ისინი ზუგდიდის საკონსერვო ქარხანაში რამდენიმე მილიონიანი ინვესტიციის ჩადებას გეგმავენ.