გუბერნატორი და „საპარტნიორო ფონდის“ წარმომადგენლები რუხში მოლის მშენებლობის სამუშაოებს გაეცნენ

„საპარტნიორო ფონდმა“ზუგდიდის რაიონის სოფელ რუხის მულტიფუნქციური სავაჭრო ცენტრის პროექტის განხორციელება დაიწყო. სამშენებლო სამუშაოები სამეგრელო-ზემო სვანეთის მხარეში სახელმწიფო რწმუნებულმა - გუბერნატორმა ლევან შონიამ, ვიცე-გუბერნატორმა კობა ქანთარიამ და საპარტნიორო ფონდის დირექტორის მოადგილემ ნათია თურნავამ დაათვალიერეს.

სავაჭრო ცენტრი „მეგობრობა“ 4 ჰექტარზე განთავსდება. ცენტრში სავაჭრო ფართების გარდა სოფლის მეურნეობის პროდუქტების მიმღები პუნქტი, მცირე სამაცივრე დანადგარები, საზოგადოებრივი ცენტრი, ფოსტა, აფთიაქი, ბანკი და ასევე ვეტერინარული კლინიკა განთავსდება. 

სავაჭრო ცენტრში ყველა აუცილებელი პირობა შეიქმნება იმისითვის, რომ მომხმარებელმა მაქსიმალური ხარისხის მომსახურეობა და პროდუქტი მიიღოს რაც ხელს შეუწყობს, როგორც ოკუპირებულ ტერიტორიაზე მცხოვრებ ასევე ადგილობრივ მოსახლეობას ზედმეტი დანახარჯების გარეშე ერთ სივრცეში ისარგებლონ ყველა სახის მომსახურებით.  რუხის მულტიფუნქციურ სავაჭრო ცენტრს საპარტნიორო ფონდი აშენებს. სამშენებლო სამუშაოებს ტენდერში გამარჯვებული კომპანია „დაგი“ ასრულებს.