ახალი ამბები
მალთაყვის სანაპირო ზოლზე მიმდინარე სამუშაოები გუბერნატორმა დაათვალიერა
ფოთს ინდუსტრიულთან ერთად ტურისტული ქალაქის სტატუსი ექნება. მალთავის რეკრეაციულ ზონაში ზღვის სანაპირო ზოლზე 2 კილომეტრიანი ბულვარის მშენებლობა დაიწყო. პარალელურად მიმდინარეობს კურორტამდე მისასვლელი გზის მშენებლობა.
მალთაყვაში დაწყებული სამუშაოები დღეს სამეგრელო-ზემო სვანეთის მხარეში სახელმწიფო რწმუნებულმა - გუბერნატორმა ლევან შონიამ, ფოთის მერმა ირაკლი კაკულიამ და საკრებულოს თავმჯდომარემ ალექსანდრე თოფურიამ დაათვალიერეს. მალთაყვის ბულვარის მშენებლობისათვის უახლოეს პერიოდში დაიწყება ელექტროსადენების, წყლის, გაზის და სხვა კომუნიკაციების გაყვანა. პროექტის სრული ღირებულება 18 მილიონ 507 ათას ლარს შეადგენს, რომლის განხორციელების შემდეგ მალთაყვის საკურორტო-დასასვენებელი ზონა თანამედროვე სარეკრეაციო არეალად გადაიქცევა.
გუბერნატორის განცხადებით, თუ აქამდე ფოთს მხოლოდ საპორტო ქალაქად იცნობდნენ, ამიერიდან ის ტურისტული ქალაქის სტატუსს შეიძენს, რომელსაც ახალი, თანამედროვე ბულვარი და საზღვაო ინფრასტრუქტურა ექნება. ლევან შონიას განცხადებით, პროექტის განხორციელება ფოთს ახალ სიცოცხლეს შესძენს.
პროექტ–დაიჯესტი
ფოტო გალერეა
რეგიონის რუკა
სიახლეების კალენდარი
ბანერები
