ჩხოროწყუში სტიქიის შედეგად დაზარალებულებს სახლები უშენდებათ

ჩხოროწყუს მუნიციპალიტეტში სტიქიის შედეგად დაზარალებულ ოჯახებს მთავრობა სახლებს უშენებს. თანამედროვე საცხოვრებელი წელს უკვე გადაეცა 1 ოჯახს, მიმდინარე წლის ოქტომბრის ბოლომდე კი ახალი, კეთილმოწყობილი საცხოვრებელი სახლები 2 ოჯახს გადაცემა.

მეწყერის შედეგად დაზარალებულთა საცხოვრებელი სახლების სამშენებლო სამუშაოები დღეს, ჩხოროწყუს მუნიციპალიტეტის გამგებელმა დათო გოგუამ და მისმა პირველმა მოადგილემ გოჩა ჩიქოვანმა მოინახულეს.  

გამგებელი სოფელ ახუთში გოჩა მამფორიას ახალ სახლში იმყოფებოდა, რომელსაც 2014 წლის 18-19 ოქტომბერს სტიქიის შედეგად საცხოვრებელი დაემეწყრა.  ასევე, სოფელ ახუთში დათო გოგუამ და გოჩა  ჩიქოვანმა სტიქიის შედეგად დაზარალებული ზვიად გერსამიას მშენებარე სახლი დაათვალიერეს, რომლის მშენებლობაც მიმდინარე წლის ოქტომბერში დასრულდება. ჩხოროწყუში დამეწყრილი ოჯახებსთვის ახალი სახლების აშენება რეგიონული განვითარებისა და ინფრასტრუქტურის სამინისტროს მიერ ჩხოროწყუსთვის სტიქიის შედეგების სალიკვიდაციოდ გამოყოფილი თანხით მოხდა.

გარდა სახლების აშენებისა, მიმდინარე წელს სტიქიის შედეგად დაზარალებულ 4 ოჯახს ახალი საცხოვრებელი სახლები ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა სამინისტრომ შეუძინა და მათი უსაფრთხო ადგილას გადაყვანა უზრუნველყო.

სახლები უშენდებათ მუნიციპალიტეტში მცხოვრებ გაუსაძლის საბინაო პირობებში მყოფ ოჯახებსაც, რომელიც ადგილობრივი ბიუჯეტიდან ფინანსდება.