ახალი ამბები
გუბერნატორი “კავკასუს მეტალ ტერმინალის'' გაფართოების პროექტს გაეცნო
ბიზნესსექტორის ერთ-ერთი მსხვილი წარმომადგენელი შ.პ.ს. ,,კავკასუს მეტალ ტერმინალი'' წარმოებით არეალსა და პარტნიორულ ურთიერთობებს აფართოებს. ამ მიზნით, დაწყებულია ტერმინალის განვითარების გეგმის რეალიზაცია. ტერიტორიაზე ამჟამად მიმდინარეობს ბეტონის საფარის დაგება, სამუშაოთა მეორე ეტაპი კი სასაწყობე შენობა-ნაგებობისა და ფართობის აგება-შემოღობვას ითვალისწინებს. დღეისათვის ტერმინალზე 150 ადამიანია დასაქმებული, რომელთა უმეტესობა ადგილობრივია. საწარმოს პერსპექტივასთან დაკავშირებით, ტერმინალის გაფართოების პროექტის პრეზენტაცია გაიმართა. გაფორმდა კონტრაქტი თურქულ კომპანია ,,კარდენისთან''. პროექტი ერთწლიანია და მომავალი წლის ბოლოს დასრულდება.
,,კავკასუს მეტალ ტერმინალის'' გაფართოების პროექტის პრეზენტაციას სამეგრელო-ზემო სვანეთის მხარეში სახელმწიფო რწმუნებული - გუბერნატორი ლევან შონია, ფოთის მუნიციპალიტეტის მერი ირაკლი კაკულია, საკრებულოს თავმჯდომარე ალექსანდრე თოფურია და ბიზნესსექტორის წარმომადგენლები დაესწრნენ.
კავკასიური მეტალის ტერმინალი 2014 წელს გაიხსნა და მისი მშენებლობა შვეიცარული კომპანია „INDUSTRIAL MINERAL“-ის ინვესტირებით განხორციელდა. ტერმინალი თანამედროვე ტექნიკით არის აღჭურვილი და პოლიმეტალის კონცენტრატების გადამუშავება-ტრანსპორტირებას ახორციელებს.
პროექტ–დაიჯესტი
ფოტო გალერეა
რეგიონის რუკა
სიახლეების კალენდარი
ბანერები
