ახალი ამბები
28 აგვისტოს ერგეტაში გრანდიოზული მარულა გაიმართება
28 აგვისტოს, მარიამობას ზუგდიდის მუნიციპალიტეტის სოფელ ერგეტაში გრანდიოზული მარულა გაიმართება. ცხენოსნები ერთმანეთს მარულაში, ყაბახსა და მოქნევაში შეეჯიბრებიან. შეჯიბრში მონაწილეობას რეგიონის სხვადასხვა მუნიციპალიტეტების ცხენოსნები მიიღებენ. მარულასთან ერთად ერგეტაში ქართული ჭიდაობა გაიმართება, სანახაობა ხალხური სიმღერებისა და ცეკვების თანხლებით წარიმართება.
ღონისძიების მხარდამჭერია: სამეგრელო-ზემო სვანეთის მხარეში სახელმწიფო რწმუნებულის - გუბერნატორის ადმინისტრაცია, ზუგდიდის მუნიციპალიტეტის გამგეობა და ზუგდიდის მერია.
დღეს, გუბერნატორის ადმინისტრაციის აპარატის უფროსი ლაშა გვასალია ღონისძიების საორგანიზაციო ჯგუფს შეხვდა და მიმდინარე სამუშაოებზე ინფორმაცია მოისმინა.
მარულა ერგეტაში 28 აგვისტოს 17 საათზე დაიწყება, სადაც დასწრება თავისუფალი იქნება. გამარჯვებულები და უხუცესი ცხენოსნები, შჯიბრის დასრულების შემდეგ სხვადასხვა პრიზებით დაჯილდოვდებიან.
