ახალი ამბები
ნოქალაქევი-ლეძაძამე-დიდიჭყონის გზის სამუშაოები აქტიურ ფაზაში მიმდინარეობს
2015-08-10 17:20:00
სენაკში, ნოქალაქევი-ლეძაძამე-დიდიჭყონის გზის მიკოტახილის მონაკვეთში სარეაბილიტაციო სამუშაოები აქტიურ ფაზაში მიმდინარეობს.
პროექტის მიმდინარეობას ადგილზე სენაკის გამგებელი გოჩა დგებუაძე გაეცნო. ამ ეტაპზე გზის აღნიშნულ მონაკვეთზე განხორციელდა სავალი ნაწილის 4-დან 6 მეტრომდე გაფართოვების, მთის ქანების ჩამოჭრის, ხიდბოგირებისა და გაბიონების მოწყობის სამუშაოები. დაიგო ასფალტობეტონის საფარის მეორე ფენა. ამჟამად მიმდინარეობს ახალი ხიდის მოწყობის სამუშაოები, მონტაჟდება საგზაო ნიშნები.
აღსანიშნავია, რომ გზის ამ მონაკვეთზე მსგავის მასშტაბის რეაბილიტაცია მანამდე არ განხორციელებულა. სამუშაოებზე, რომელიც მიმდინარე წლის ოქტომბერში დასრულდება, 4,2 მილიონი ლარი იხარჯება, დასაქმებულია 230 მოქალაქე, რომელთა 90% ადგილობრივია.
პროექტ–დაიჯესტი
ფოტო გალერეა
რეგიონის რუკა
სიახლეების კალენდარი
ბანერები
