ახალი ამბები
პრემიერმა და გუბერნატორმა ხობში ახალი საწარმო გახსნეს
2015-07-16 11:24:00
საქართველოს პრემიერ-მინისტრმა ხობში პლასტმასის და ბეტონის ფილების საწარმო გახსნა. პროექტი პროგრამის ,,აწარმოე საქართველოში" ფარგლებში განხორციელდა და მისი მშენებლობა 2 მილიონი ლარი დაჯდა.
მშენებლობის ეტაპზე დასაქმებული იყო 50 ადგილობრივი მცხოვრები. საწარმოს ექსპლუატაციაში შესვლის შემდეგ მუდმივად დასაქმებულთა რაოდენობა 30 იქნება.
ქარხანაში იწარმოება პლასტმასის ყუთი, წებო-ცემენტი, სამშენებლო ბლოკი, ბეტონის დეკორატიული ფილა, ბეტონის დეკორატიული ღარები, ბლოკი და ბორდიურები. შპს " ფიგარო" უახლოეს მომავალში კიდევ რამდენიმე საწარმოს გახსნას გეგმავს.
