ახალი ამბები
შეხვედრა ანაკლიის პორტთან მისასვლელი გზისა და რკინიგზის 17-კმ-იანი მონაკვეთის მშენებლობისთვის საკითხთან დაკავშირებით
2025-10-08 18:29:00
ანაკლიის პორტთან მისასვლელი გზისა და რკინიგზის 17-კმ-იანი მონაკვეთის მშენებლობისთვის, საავტომობილო გზების დეპარტამენტის დაკვეთით, მიწის შესყიდვისა და განსახლების გეგმა მუშავდება.
ანაკლიაში დღეს საჯარო განხილვა გაიმართა, რომლის ფარგლებში პროექტის განხორციელების არეალში მცხოვრებმა მოსახლეობამ უძრავი ქონების შეფასებისა და განსახლების პროცედურების შესახებ ინფორმაცია მიიღო.
შეხვედრას სამეგრელო-ზემო სვანეთის მხარეში სახელმწიფო რწმუნებული დავით ვერავა საავტომობილო გზების დეპარტამენტის წარმომადგენლებთან და ზუგდიდის მერის მოვალეობის შემსრულებელთან ერთად დაესწრო.
საავტომობილო გზების დეპარტამენტს ასევე მომზადებული აქვს ანაკლიის პორტთან მისასვლელი 17-კილომეტრიანი გზისა და რკინიგზის მშენებლობის დეტალური პროექტი.
