ახალი საბავშვო ბაღი სამეგრელო-ზემო სვანეთის სახელმწიფო რწმუნებულმა დავით ვერავამ და ზუგდიდის ახლადარჩეულმა მერმა დავით კოდუამ, თვითმმართველობის წარმომადგენლებთან ერთად გახსნეს.

ახალი ბაღი ყველა თანამედროვე სტანდარტს აკმაყოფილებს. მოეწყო შიდა და გარე სივრცეები, რეკრეაციული ზონები, საბავშვო ბაღი ადაპტირებულია შეზღუდული შესაძლებლობების მქონე პირებისთვის. ახალი საბავშვო ბაღი ტექნიკითა და ავეჯით სრულად აღჭურვილია.

 

ერგეტაში მანამდე არსებული საბავშვო ბაღი დაიწვა და ბავშვები სკოლამდელ განათლებას სოფლის ადმინისტრაციულ შენობაში იღებდნენ.

ერგეტაში საბავშვო ბაღი ინფრასტრუქტურის სამინისტროს, მუნიციპალური განვითარების ფონდმა ააშენა.

 

ერგეტასთან ერთად, ბოლო ერთი თვის განმავლობაში საბავშვო ბაღები დარჩელში, ოდიშსა და კახათში გაიხსნა.