ქართველი და აზერბაიჯანელი ახალგაზრდები ანაკლიის ბანაკში ერთად ისვენებენ

სამეგრელო-ზემო სვანეთის სახელმწიფო რწმუნებული დავით ვერავა, საქართველოს განათლების, მეცნიერებისა და ახალგაზრდობის მინისტრის პირველი მოადგილე ლევან ღირსიაშვილი და აზერბაიჯანის რესპუბლიკის ახალგაზრდობისა და სპორტის მინისტრის მოადგილე ფარჰად ჰაჯიევი ანაკლიის ახალგაზრდულ ბანაკში ქართველ და აზერბაიჯანელ სტუდენტებს შეხვდნენ.

ანაკლიის ახალგაზრდულ ბანაკში ქართველ ახალგაზრდებთან ერთად 50-მდე აზერბაიჯანელი ახალგაზრდა მონაწილეობს. სტუდენტებისთვის სხვადასხვა შემეცნებითი, სპორტული და კულტურული აქტივობები იმართება.

აღსანიშნავია, რომ ქართველი ახალგაზრდები ივლისში აზერბაიჯანის რესპუბლიკაში -გუბაში, ბაქოსა და სუმგაითში გამართულ ბანაკებს სტუმრობდნენ.

ახალგაზრდობის სააგენტოს მიერ ორგანიზებული ანაკლიის ბანაკი 2025 წელს 3000-მდე ახალგაზრდას უმასპინძლებს. თითო ნაკადზე ბანაკი 18-დან 25 წლამდე ასაკის 240 სტუდენტს მასპინძლობს.