ახალი ამბები
აფხაზეთის ა/რ მთავრობის თავმჯდომარე და სახელმწიფო რწმუნებული ფოთში დევნილ მოსახლეობას შეხვდნენ
2025-08-03 18:12:00

აფხაზეთის ავტონომიური რესპუბლიკის მთავრობის თავმჯდომარე გიორგი ჯინჭარაძე, სამეგრელო-ზემო სვანეთის სახელმწიფო რწმუნებულ დავით ვერავასთან და ფოთის მერ ბექა ვაჭარაძესთან და საკრებულოს თავმჯდომარე ალექსანდრე ტყებუჩავასთან ერთად, ფოთის დევნილთა დასახლებაში იმყოფებოდა, სადაც აფხაზეთიდან იძულებით გადაადგილებულ მოსახლეობას შეხვდა.
შეხვედრაზე დევნილი ოჯახების საჭიროებები მოისმინეს და მათი ყოფითი და სოციალური მდგომარეობის შესახებ ინფორმაცია მიიღეს.
შეხვედრა დიალოგის ფორმატში წარიმართა. დევნილებმა მათთვის მნიშვნელოვან საკითხებზე ისაუბრეს და ავტონომიური რესპუბლიკის მთავრობის თავმჯდომარეს საკუთარი მოსაზრებები გააცნეს.
აღინიშნა, რომ დევნილი მოსახლეობის მხარდაჭერა მთავრობისთვის პრიორიტეტია და ამ მიმართულებით მუშაობა აქტიურად გაგრძელდება.