ახალი ამბები
ფოთში რეგიონული თეატრების საერთაშორისო ფესტივალი ჩატარდება
საქართველოს კულტურისა და ძეგლთა დაცვის სამინისტროს მხარდაჭერით, 15-25 ივლისს, ფოთში რეგიონული თეატრების საერთაშორისო ფესტივალი ჩატარდება.
აღნიშნულ ღონისძიებაში მონაწილეობას მიიღებენ, როგორც საქართველოს რეგიონალური, ასევე იტალიის, ბელორუსიის, პოლონეთის ქვეყნების თეატრები. პროექტის მიზანია ხელი შეუწყოს სხვადასხვა ქვეყნების თეატრებს შორის ურთიერთანამშრომლობას, გამოცდილების გაზიარებას და დამეგობრებას. პროექტი განხორციელდება ფოთში, რომლის ფარგლებშიც უცხოური თეატრის დასის წარმომადგენლები საზოგადოებას არა მარტო გააცნობენ საკუთარ შემოქმედებას, არამედ მათ ექნებათ საშუალება მოინახულონ და უკეთ გაეცნონ საქართველოს სხვადასხვა ღირშესანიშნაობებსა დ ქართულ კულტურას. აღნიშნული ღონისძიება პირველად იმართება საქართველოში და შესაბამისად მას ყოველწლიური სახე მიეცემა.
სამეგრელო-ზემო სვანეთის გუბერნატორიის მოადგილე კახა რუსია და ფოთის მერი ირაკლი კაკულია ღონისძიების ორგანიზატორ ნინელი ჭანკვეტაძესთან ერთად ბიზნეს სექტორის წარმომადგენლებს შეხვდნენ და ფესტივალის შესახებ ესაუბრნენ.
ღონისძიების ორგანიზატორია კულტურულ-საგანმანათლებლო ფონდი "დღეს".
პროექტ–დაიჯესტი
ფოტო გალერეა
რეგიონის რუკა
სიახლეების კალენდარი
ბანერები
