ახალი ამბები
სახელმწიფო რწმუნებულის პირველი მოადგილე და ზუგდდიის მერი ავსტრიის ელჩს შეხვდნენ
2024-07-24 18:49:00
სამეგრელო-ზემო სვანეთის სახელმწიფო რწმუნებულის პირველი მოადგილე ნინო ვიბლიანი და ზუგდიდია მერი მამუკა წოწერია, ავტრიის ელჩს თომას მიულმანს შეხვდნენ.
შეხვედრა ერთობლივად დაგეგმილ და მიმდინარე პროექტებს შეეხო.
შეხვედრაზე ყურადღება გამახვილდა სამეგრელო-ზემო სვანეთისა და ტიროლის ფედერალურ მიწასათან თანამშრომლობის საკითხებზე. ავსტრიის ტიროლის ფედერალურ მიწას და სამეგრელო-ზემო სვანეთის მხარეს შორის ურთიერთთანამშრომლობის მემორანდუმი 2021 წლის ოქტომბერში გაფორმდა. ხელშეკრულებას ხელი სამეგრელო-ზემო სვანეთის სახელმწიფო რწმუნებულმა გიორგი გუგუჩიამ და ტიროლის ფედერალური მიწის გუბერნატორმა გიუნტერ პლატერმა მოაწერეს.
ურთიერთთანამშრომლობის მემორანდუმი მიზნად ისახავს მხარეების შორის ეკონომიკის, ტურიზმის, კულტურის, განათლების, სპორტის, სამოქალაქო უსაფრთხოების სფეროებს შორის თანამშრომლობას. ასევე გამოცდილების გაზიარებას. ერთობლივი ფორუმებისა და სამეწარმეო გამოფენა-ბაზრობების გამართვას, მეწარმეთა შეხვედრებს და ერთობლივი პროექტების შემუშავებას.
უკვე შედგა თანამშრომლობა მესტიისა და ხობის მუნიციპალიტეტებში სახანძრო-სამაშველო ტექნიკის მიმართულებით, ზუგდიდის მერიასთან ერთად კი ხორციელდება მშვიდობის პარკის პროექტი.
ავსტრიის ელჩი მისიას ასრულებს, ნინო ვიბლიანმა და მამუკა წოწერიამ მეგობარი ქვეყნის დიპლომატს სამეგრელო-ზემო სვანეთისა და ტიროლის რეგიონების დაახლოებაში შეტანილი განსაკუთრებული წვლილისთვის მადლობა გადაუხადეს.
