ახალი ამბები
ოლიმპიური ცეცხლი სამეგრელოშია
ოლიმპიური ცეცხლი უკვე სამეგრელოშია. ევროპის ახალგაზრდული ოლიმპიური ფესტივალის თბილისი 2015-ის ორგანიზატორებმა ოლიმპიური ცეცხლი დღეს, ფოთში შემოიტანეს.
ოლიმპიური ცეცხლის რეგიონში შემოსვლას, სამეგრელო-ზემო სვანეთის გუბერნატორის მოადგილე კახაბერ რუსია, ფოთის მერი ირაკლი კაკულია, საკრებულოს თავმჯდომარე ალექსანდრე თოფურია და ადგილობრივი ხელისუფლების სხვა წარმომადგენლები დაესწრნენ. ოლიმპიური ცეცხლის საპორტო ქალაქში შემობრძანება ფოთელებმა დრამატული თატრის წინ იზეიმეს, სადაც ადგილობრივმა ხელისუფლებამ წარმატებული ფოთელი სპორტსმენები სიგელებით დააჯილდოვა.
ფოთის შემდეგ ოლიმპიურ ცეცხლს ხობსა და სენაკში ჩაიტანენ, 6 ივლისამდე კი სამეგრელო-ზემო სვანეთის ყველა მუნიციპალიტეტს მოივლის. რეგიონში ბოლო ადგილი სადაც ოლიმპიური ცეცხლი გაჩერდება სვანეთია, მესტიიდან კი ცეცხლი გეზს დედაქალაქისკენ აიღებს. ოლიმპიური ცეცხლი საქართველოში ათენიდან 28 მაისს ჩამოიტანეს და მას შემდეგ რეგიონებში მოგზაურობს.
2015 წლის ზაფხულის რიგით მე-13 ახალგაზრდული ოლიმპიური ფესტივალი თბილისში 26 ივლისს გაიხსნება.
პროექტ–დაიჯესტი
ფოტო გალერეა
რეგიონის რუკა
სიახლეების კალენდარი
ბანერები
