ახალი ამბები
პარლამენტის თავმჯდომარე ენგურჰესზე
2023-07-15 10:04:00
პარლამენტის თავმჯდომარემ შალვა პაპუაშვილმა, სამეგრელო-ზემო სვანეთის სახელმწიფო რწმუნებულმა გიორგი გუგუჩიამ და პარლამენტის წევრებმა რეაბილიტირებული ენგურჰესი და იქ არსებული ტურისტული მარშრუტები დაათვალიერეს, რასაც „ენგური ატრაქცია“ ქართველ და უცხოელ ვიზიტორებს სთავაზობს.
„ენგური ატრაქცია“ 2021 წლიდან ვიზიტორებს უნიკალური თაღოვანი კაშხლის დათვალიერების შესაძლებლობას და სხვადასხვა საინტერესო ტურებს სთავაზობს.
„ენგურჰესის გამართულ მუშაობას დიდი მნიშვნელობა აქვს ქვეყნის ენერგოდამოუკიდებლობისა და უსაფრთხოებისთვის“ - განაცხადა პარლამენტის თავმჯდომარემ.
2022 წლიდან ენგურის კაშხალი ევროპის ინდუსტრიული მემკვიდრეობის მარშრუტის წევრი გახდა, ხოლო 2015 წელს ენგურის თაღოვან კაშხალს ეროვნული მნიშვნელობის სამრეწველო მემკვიდრეობის სტატუსი მიენიჭა.
