ახალი ამბები
სტიქიამ წალენჯიხაში პრობლემები შექმნა
2023-06-27 15:11:00
სტიქიამ, წალენჯიხაში პრობლემები შექმნა – რამდენიმე საათიანი გადაუღებელი წვიმის შედეგად, სოფელ ნაგურუში, ადიდებულმა მდინარე ინწრამ საავტომობილო ხიდი დააზიანა. მოვარდნილმა ღვარცოფმა ხიდს სამაგრები გამოაცალა, რის გამოც საავტომობილო ხიდის გარეშე დარჩენილია 12 ოჯახი. დატბორილია ნათესები, დაზიანებულია საავტომობილო გზების ნაწილი. სტიქიის შედეგად, სოფელ ლიაში რამდენიმე სახლი და საკარმიდამო ეზო დაიტბორა.
არსებულ ვითარებას სამეგრელო-ზემო სვანეთის სახელმწიფო რწმუნებული გიორგი გუგუჩია, მოადგილეებთან ერთად ადგილზე გაეცნო. მისი განცხადებით, არსებული მდგომარეობის გათვალისწინებით, ხიდის აღდგენამდე მოსახლეობისთვის ალტერნატიული დროებითი გზა მოეწყობა.
პროექტ–დაიჯესტი
ფოტო გალერეა
რეგიონის რუკა
სიახლეების კალენდარი
ბანერები
