მოქალაქეებს შესაძლებლობა აქვთ სპეციალურად მოწყობილ სივრცეში საქართველოს სათავგადასავლო ტურისტულ მარშრუტებს, რუკებს, ფოტოებსა და აქტივობებს გაეცნონ.

გამოფენილია ადგილობრიბი მეწარმეების პროდუქცია.

 

დამთვალიერებლები სათავგადასავლო ტურიზმის შესახებ სახალისო კითხვარს ავსებენ, მოეწყობილია ფოტო ზონა. ზუგდიდის ბულვარში იმართება მეგრული „სთრიდ ფუდის“ ბაზარი, სადაც წარმოდგენილია მეგრული მრავალფეროვანი ტრადიციული და გათანამედროვებული კერძები. მოეწყობილია საბავშვო აქტივობები და გუნდური თამაშები. გამოფენილია თავდაცვის ძალების სამხედრო ტექნიკა, შეიარაღება და აღჭურვილობა.

 

საღამოს 17:10 საათზე, საქართველოს დამოუკიდებლობის გამოცხადების ისტორიული დრო საზეიმოდ აღინიშნება. შესრულდება საქართველოს ჰიმნი.

ღონისძიებები კონცერტით დაიხურება, რომელშიც მონაწილეობას ანი კეკუა, სოფო ბედია, თიკა მახალდიანი, ელენე ფოჩხუა, ჯგუფი „რეზო და ბავშვები“ მიიღებენ.

 

26 მაისის ღონისძიებები მთავრობის ადმინისტრაციის ორგანიზებით იმართება. ზუგდიდის ღონისძიება ტურიზმის ეროვნული ადმინისტრაციის ჩართულობით ტარდება.