ზუგდიდი მოლში „კარფურის“ ახალი სუპერმარკეტი გაიხსნა დასაქმდა 100 ადამიანი

კარფურის ჰიპერმარკეტებისა და სუპერმარკეტების ქსელი, რომელსაც საქართველოში Majid Al Futtaim-ი წარმოადგენს, ქვეყნის მასშტაბით აქტიურად განაგრძობს გაფართოებას. კომპანიამ ამჯერად ქალაქ ზუგდიდში ახალი სუპერმარკეტი გახსნა.  ზუგდიდის ახალ ფილიალში დასაქმდა 100 ადამიანი, რაც ახალი სამუშაო ადგილების შექმნის თვალსაზრისით მნიშვნელოვანია. ქვეყნის მასშტაბით ამჟამად კომპანიაში 2500-ზე მეტი თანამშრომელია დასაქმებული და კიდევ 1200 ახალი კადრის მიღებას გეგმავს.

გახსნის ცერემონიალს სამეგრელო-ზემო სვანეთის სახელმწიფო რწმუნებული გიორგი გუგუჩია, მოადგილეებთან და ზუგდიდის მერთან ერთად დაესწრო.

ახალი მაღაზია დილის 9:00-დან საღამოს 22:00-მდე მოემსახურება მომხმარებელს. კარფურის ახალი, დიდი ზომის სუპერმარკეტი მომხმარებელს სთავაზობს მაღალი ხარისხის საკვები პროდუქციისა და საყოფაცხოვრებო ნივთების მრავალფეროვან არჩევანს.  მათ შორისაა სურსათის, ბიო პროდუქტების და ჯანსაღი კვების, ბავშვის მოვლის, ჯანმრთელობისა და პირადი ჰიგიენის საშუალებები, კარფურის მიერ  წარმოებული ექსკლუზიური ფრანგული პროდუქცია და სხვა.

ფრანგული ბრენდისთვის ეს რიგით 75-ე მაღაზიაა. კარფური ახალი ჰიპერმარკეტებისა და სუპერმარკეტების გახსნით ხელს უწყობს დასაქმების ზრდას ქვეყნის მასშტაბით და ეხმარება ქვეყნის წარმოების განვითარებას, ადგილობრივ ფერმერებთან თანამშრომლობით.