ახალი ამბები
საცხენოსნო ტურნირი „ზუგდიდის თასი 2022“ გაიმართა
ზუგდიდში, სოფელ ოირემეში საცხენოსნო შეჯიბრი „ზუგდიდის თასი-2022” გაიმართა. ცხენოსნობის შვიდ ეროვნულ სახეობაში შეჯიბრში მონაწილეობა საცხენოსნო კლუბებმა მთელი საქართველოდან მიიღეს. გამარჯვებულებს ფულადი პრიზები და საჩუქრები გადაეცათ. დოღი სამეგრელოში არსებული საცხენოსნო ტრადიციების აღდგენას ისახავს მიზნად.
ღონისძიების ორგანიზატორია საცხენოსნო კლუბი „ხარება”. შეჯიბრი საქართველოს ცხენოსნობის ეროვნული ფედერაციის, სახელმწიფო რწმუნებულის ადმინისტრაციისა და ზუგდიდის მერიის მხარდაჭერით გაიმართა.
ოირემეში გამართულ ღონისძიებას ზუგდიდის მერი მამუკა წოწერია და სამეგრელო-ზემო სვანეთის სახელმწიფო რწმუნებულის მოადგილეები ლუდუკ ხასია და დავით კუხალეიშვილი ესწრებოდნენ.
ღონისძიების სპონსორები არიან: Basisbank - ბაზისბანკი, Dadiani Residence ⁃ დადიანი რეზიდენსი და პირველი მოლი რეგიონში - Zugdidi Mall • ზუგდიდი მოლი.
საცხენოსნო შეჯიბრი ზუგდიდში ყოველწლიურად გაიმართება.
პროექტ–დაიჯესტი
ფოტო გალერეა
რეგიონის რუკა
სიახლეების კალენდარი
ბანერები
