სახელმწიფო რწმუნებულის ადმინისტრაცია

საქართველოს ადმინისტრაციულ-ტერიტორიულ ერთეულებში - აბაშის, ზუგდიდის, მარტვილის, მესტიის,
სენაკის, ჩხოროწყუს, წალენჯიხის, ხობის მუნიციპალიტეტებსა და თვითმმართველ ქალაქ ფოთში

ზუგდიდიფოთიმარტვილიხობიწალენჯიხაჩხოროწყუაბაშასენაკიმესტიარეგიონის განვითარების სტრატეგია 2014-2021სამოქმედო გეგმაანგარიშები

ახალი ამბები

სოფელ დარჩელში თხილის საშრობი და სასაწყობე ინფრასტრუქტურა აშენდება

2015-06-13 22:23:00

მთავრობის ეკონომიკურმა საბჭომ, დღეს გამართულ სხდომაზე, რომელსაც პრემიერ-მინისტრი ირაკლი ღარიბაშვილი ხელმძღვანელობდა თხილის წარმოების განვითარების ხელშეწყობის გეგმებზე იმსჯელა. საბჭოს გადაწყვეტილებით, ზუგდიდის მუნიციპალიტეტის სოფელ დარჩელში  თხილის საშრობი და სასაწყობე ინფრასტრუქტურა აშენდება.

„თხილის წარმოების განვითარების ხელშეწყობის პროგრამა ითვალისწინებს ინფრასტრუქტურის შექმნას, განსაკუთრებით დასავლეთ საქართველოში. შეირჩა რამდენიმე რეგიონი, სადაც შეიძლება ამ დარგის განვითარება. დარგი არის ძალიან მნიშვნელოვანი, ვინაიდან სერიოზული საექსპორტო პოტენციალის მატარებელია. ვგეგმავსთ ამ ეტაპზე დარჩელში ავაშენოთ თხილის საშრობი და სასაწყობე ინფრასტრუქტურა, რომელიც გააერთიანებს მინიმუმ 500 ოჯახს. ეს იქნება პირველი საპილოტე პროგრამა," - აღნიშნა სოფლის მეურნეობის მინისტრმა ოთარ დანელიამ სხდომის დასრულების შემდეგ.

საბჭოს სხდომის დასრულების შემდეგ ცნობილი გახდა, რომ  სამთავრობო პროგრამას „აწარმოე საქართველოში" ახალი კომპონენტი დაემატება - წარმოების აღორძინების და გადამამუშავებელი მრეწველობის ხელშეწყობის კვალდაკვალ, სახელმწიფო სასტუმროების ხარისხსა და სტანდარტებზე ზრუნვას იწყებს. ინფრასტრუქტურის წახალისების სქემა დღეს ეკონომიკური საბჭოს სხდომაზე განიხილეს, რომელიც პრემიერ-მინისტრ ირაკლი ღარიბაშვილის ხელმძღვანელობით გაიმართა.

მეწარმე, რომელსაც სურს რეგიონში ააშენოს ახალი სასტუმრო, ან გააფართოოს უკვე არსებული, ბანკში სესხის დამტკიცების შემთხვევაში, ისარგებლებს სახელმწიფო თანადაფინანსების სქემითა და გირაოს უზრუნველყოფაში თანამონაწილეობით. პროგრამა აგვისტოდან ამოქმედდება.

„პროგრამაში მონაწილეობა შეეძლება ნებისმიერ მეწარმეს, რომელიც, გარდა თბილისის და ბათუმისა, საქართველოს რეგიონებში ააშენებს ახალ სასტუმროს ან გააფართოებს არსებულს. პროგრამა მოიცავს სამ კომპონენტს: სესხის პროცენტის თანადაფინასება და გირაოს უზრუნველყოფაში თანამონაწილეობა; ასევე, თუ მეწარმე გადაწყვეტს, რომ საერთაშორისო ოპერატორი შემოიყვანოს საქართველოში, ჩვენ მზად ვართ პირველი 2 წელი ბრენდის ოპერირების ხარჯის თანამონაწილეობაში შევიდეთ, რაც ხარისხისა და სტანდარტებს უზრუნველყოფს. მესამე კომპონენტი კი ითვალისწინებს ტექნიკურ დახმარებას-პროგრამები, ტრენინგები, კვალიფიკაციის ამაღლება, მარკეტინკის გაუმჯობესება," - განაცხადა ეკონომიკის მინისტრის მოადგილემ ქეთევან ბოჭორიშვილმა.

ეკონომიკური საბჭოს წევრებმა ასევე განიხილეს რკინიგზის მოდერნიზაციის განახლებული პროექტი, რომელიც ეხება ზესტაფონი-ხაშურის მონაკვეთზე გამტარუნარიანობის ზრდას. საქართველოს რკინიგზის გენერალური დირექტორის, მამუკა ბახტაძის განმარტებით, ახალი პროექტი ხელს შეუწყობს ქვეყნის სატრანსპორტო პოტენციალის ამაღლებას.

 

ინვესტ ინ სამეგრელო-ზემო სვანეთიInvest in Samegrelo - Zemo Svanetiპროექტები

პროექტ–დაიჯესტი

ფოტო გალერეა

რეგიონის რუკა

რეგიონული რუკა

სიახლეების კალენდარი

< March 2024 >
MonTueWedThuFriSatSun
    123
45678910
11121314151617
18192021222324
25262728
29
3031

ბანერები

საქართველოს პრეზიდენტისაქართველოს პარლამენტისაქართველოს მთავრობარეგიონული განვითარებისა და ინფრასტრუქტურის სამინისტრო