ახალი ამბები
ზუგდიდში სალოტბარო სკოლა გაიხსნა
2022-02-15 19:57:00
ზუგდიდში ფოლკლორის ცენტრის სალოტბარო სკოლა გაიხსნა. სალოტბარო სკოლაში ნებისმიერ მსურველს ქართული ხალხური სიმღერისა და ტრადიციული გალობის შესწავლა უფასოდ შეუძლია.
სკოლის გახსნას სამეგრელო-ზემო სვანეთის სახელმწიფო რწმუნებულის მოადგილე დავით კუხალეიშვილი, ზუგდიდის მერთან და ანზორ ერქომაიშვილის სახელობის ფოლკლორის სახელმწიფო ცენტრის დირექტორ გიორგი დონაძესთან ერთად დაესწრო.
ფოლკლორის სახელმწიფო ცენტრის ინიციატივით და კულტურის სამინისტროს მხარდაჭერით, საქართველოს რეგიონებში სულ 29 სალოტბარო სკოლა ფუნქციონირებს.
