ახალი ამბები
სასტუმრო ოდიშში და ვექტორში მცხოვრებ ოჯახებს ბინები გადაეცემთ
2021-09-17 13:06:00
ზუგდიდში ვექტორის და სასტუმრო ოდიშის დასახლებაში წლების განმავლობაში მძიმე პირობებში მცხოვრებ დევნილ ოჯახებს ბინები გადაეცემათ. მიღებული გადაწყვეტილებით, ამ ორ კომპაქტურში მცხოვრები ოჯახების გასახლება მოხდება კრიტერიუმების გარეშე. 200-მდე ოჯახი საცხოვრებელ ფართს ახლადაშენებულ კორპუსებში მიიღებს.
გადაწყვეტილება დევნილ ოჯახებს ოკუპირებული ტერიტორიებიდან, დევნილთა, შრომის, ჯანმრთელობისა და სოციალური დაცვის მინისტრიმა ეკატერინე ტიკარაძემ, სამეგრელო-ზემო სვანეთის სახელმწიფო რწმუნებულმა გიორგი გუგუჩიამ, ზუგდიდის მაჟორიტარმა დეპუტატმა ირაკლი ჩიქოვანმა და დევნილთა სააგენტოს ხელმძღვანელმა ბესარიონ სიმონიშვილმა გააცნეს.
2020 წელს ზუგდიდში თანამედროვე ბინები 360 ოჯახს უკვე გადაეცა, შედეგად 68 ნგრევადი ობიექტი დაიხურა, 2021 წლის ბოლომდე კი ზუგდიდში 600 დევნილი ოჯახი ბარამიას ქუჩაზე ახალ ბინებს მიიღებს. დამატებით კი ზუგდიდში 1700 ბინის მშენებლობაა დაგეგმილი.
