ახალი ამბები
ფოთის კულტურისა და დასვენების ცენტრალურ პარკში პირველი ეტაპის სამუშაოები დასრულდა
ფოთის კულტურისა და დასვენების ცენტრალურ პარკში პირველი ეტაპის სამუშაოები დასრულდა.პროექტის ფარგლებში მოეწყო საფეხმავლო ბილიკები, აშენდება სცენა, მოეწყო - დასასვენებელი სივრცეები, საბავშვო მოედნები, გამწვანება, დაიდგა და მოიხატა საპარკო სკამები.
პანდემიიდან გამომდინარე არსებული რეგულაციების დაცვით, ფოთის ცენტრალურ პარკში მთელი დღის განმავლობაში სხვადასხვა ღონისძიებები, ყველა თაობის წარმომადგენლებისთვის გაიმართა.
დასრულებული სამუშაოები სამეგრელო-ზემო სვანეთის სახელმწიფო რწმუნებულის მოადგილემ დავით ვერავამ, მაჟორიტარმა დეპუტატმა ირაკლი ხახუბიამ, საკრებულოს თავმჯდომარემ ბექა ვაჭარაძემ და მერის პირველმა მოადგილემ ალექსანდრე ტყებუჩავამ დაათვალიერეს.
ფოთის ცენტრალური პარკის რეაბილიტაცია საქართველოს რეგიონული ფონდისა და ადგილობრივი ბიუჯეტის დაფინანსებით განხორციელდა.
