ახალი ამბები
იაპონიის საელჩომ ზუგდიდში სოფლის მეურნეობის ლაბორატორიას ტექნიკა გადასცა
2021-05-13 21:20:00
იაპონიის საელჩოს ადამიანის უსაფრთხოების საგრანტო პროგრამის (GGP) ფარგლებში, ზუგდიდში მდებარე სასოფლო-სამეურნეო ლაბორატორიას თანამედროვე აღჭურვილობა გადაეცა, რომელიც შესაძლებლობას მისცემს მოსახლეობას, გააკეთოს ლაბორატორიული სინჯები და მიიღოს ხარისხის სერტიფიკატი. საგრანტო დაფინანსების მოცულობა - 69 500 აშშ დოლარს შეადგენს.
პროექტის გახსნის ღონისძიებას, სამეგრელო-ზემო სვანეთის სახელმწიფო რწმუნებული მალხაზ თორია, იაპონიის ელჩი იმამურა აკირა, აფხაზეთის მთავრობის თავმჯდომარე, ზუგდიდის მუნიციპალიტეტის მერი და საკრებულოს თავმჯდომარე დაესწრნენ.
„დღეს ჩვენ იაპონიის ელჩს ვმასპინძლობთ, სწორედ იაპონიის მთავრობის ფინანსური დახმარებით გახდა შესაძლებელი, ზუგდიდში თანამედროვე სასოფლო-სამეურნეო ლაბორატორია გაგვეხსნა. ამ ლაბორატორიას გადაეცა ძვირადღირებული აღჭურვილობა, რაც მისცემს ჩვენი რეგიონის მოსახლეობას შესაძლებლობას აქვე ჩაატარონ ლაბორატორიული კვლევები. საგრანტო დაფინანსების მოცულობა შეადგენს 70 ათასამდე დოლარს. მადლობა ჩვენი რეგიონის სახელით იაპონიის საელჩოს და იაპონელ ხალხს ამ დახმარებისთვის“ - განაცხადა შეხვედრის დასრულების შემდეგ ჟურნალისტებთან საუბრისას მალხაზ თორიამ.
პროექტ–დაიჯესტი
ფოტო გალერეა
რეგიონის რუკა
სიახლეების კალენდარი
ბანერები
