პარლამენტის წევრები და გუბერნატორი ზუგდიდში მოსახლეობას შეხვდნენ

საპარლამენტო ფრაქცია „ქართული ოცნების“ წევრი დეპუტატები, ზუგდიდში, შოთა მესხიას სახელმწიფო სასწავლო უნივერსიტეტის სააქტო დარბაზში მოსახლეობას შეხვდნენ. შეხვედრა სამეგრელო-ზემო სვანეთის მხაეში სხელმწიფო რწმუნებულმა ლევან შონიამ გახსნა და დეპუატატებს ჩამოსვლისთვის მადლობა გადაუხადა.

„მადლბა, რომ გამონახეთ დრო და ჩამოხვედით ჩვენს რეგიონში, რათა ღიად ისაუბრებთ იმ თემებზე რაც მოქალაქეებს აინტრესებთ. მნიშვნელოვანია, რომ საკანონმდებლო ხელისუფლების წარმომადგენლები ჩამოდიან რეგიონში, უშუალოდ ხვდებიან მოქალაქეებს და პირველწყაროსგან იღებენ ინფორმაციას საჭიროებებისა და პრობლემების შესახებ.

ჩვენი ხელისუფლება არის ღია, გამჭირვალე და ხელისუფლების თითოეული შტოსთვის ფუნდამენტური ღირებულებაა ადამიანის უფლებები. დღეს ამ დარბაზში იმყოფებიან ახალგზრდები, რომლებიც შეგვცვლიან ჩვენ, მე მათ ამ უნივერსიტეტში შევხვდი და მოვისმინე არაერთი საინტერესო ინიციატივა, დარწმუნებული ვარ, რომ თქვენ დღესაც გექნებათ ბევრი შეკითხვა ჩვენს რეგიონში მიმდინარე და დაგეგმილ პროექტებზე. მნიშვნელოვანია, რომ ანგარიშის წარმოდგენის შემდეგ შეხვედრა კითხვა-პასუხის რეჟიმში წარიმართება და თითოეულ თქვენგანს მოგეცემათ საშუალება დასვათ სასურველი კითხვა და მიიღოთ ამომწურავი პასუხები“ - განაცხადა ლევან შონიამ.

ფრაქცია „ქართული ოცნების“ საპარლამენტო საქმიანობაზე მოქალაქეებს გიორგი ვოლსკი ესაუბრა, ხოლო ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარე ეკა ბესელიამ მოსახლეობას კომიტეტის საქმიანობის 2014 წლის ანგარიში წარუდგენა. საჯარო შეხვედრა კითხვა–პასუხის სესიით დასრულდა, რომლის დროსაც დეპუტატებმა მოსახლეობის კითხვებს უპასუხეს. შეხვედრაზე დასწრება თავისუფალი იყო.

საპარლამენტო ფრაქცია „ქართული ოცნების“ საჯარო შეხვედრა ეროვნულ-დემოკრატიული ინსტიტუტის (NDI) ორგანიზებით და აშშ-ის საერთაშორისო განვითარების სააგენტოს (USAID) ფინანსური მხარდაჭერით განხორციელდა.